Hizkuntza gutxituen ituna berresteko, konstituzioa aldatzea proposatu du PSk

No Comments

 

Hizkuntza Gutxituen Europako Ituna berresteko, lege konstituzional baterako proposamena aztertuko du Frantziak urtarrilean. Horrela jakinarazi du Jean Marc Ayrault Frantziako lehen ministroak, Bretainian. Diputatu sozialista talde batek konstituzioa aldatzeko proposamena aurkeztu zuen abenduaren 10ean, nagusiki Bretainiako diputatuek bultzaturik. Eztabaidarako data ez da zehaztu oraindik, baina urtarrilaren 22an izan daiteke.

Euskalgintzako eragileek zuhurtziaz hartu dute berria. Batetik, Frantziako Parlamentuan eztabaidarako aurkeztu diren testuetan ez da lege konstituzionalaren testua ageri. Bigarrenik, prozedurak berak bideragarri edo ezinezko bihur dezake onarpena.

Fernando Madina Reincidenteseko abeslaria aske geratu da kargurik gabe

No Comments

Estatu Batuetan atxilotu zuten Fernando Madina errugabetzat jo du epaileak. Hiru egun kartzelan egon ondoren Miamiko epaileak auzia itxi du, delitu zentzurik ikusi gabe. Reincidenteseko abeslariak 500 dolarreko bermea ordaindu eta gero Miami Hotelera joan da etxera bueltatzeko hegazkinaren zain.

Madina Miamin atxilotu zutenean Reincidentes taldea  Quitorantz bideratzen ziren, beraien biran Aniversario diskoa aurkezteko. Hala ere, bertan bera utzi behar izan zen 30. urteurrena ospatzeko bira Madinaren atxiloketa dela eta.

Arzallus txapeldun

No Comments

13.500 bertsozalez betetako Bilbao Exhibition Center aretoan Amets Arzallusek irabazi du gaur jokatu den Bertsolari Txapelketa Nagusiko finala. 1737,5  puntu eskuratu dituelarik, Arzallusek duela 4 urte txapeldunorde izanaren arantza kendu du. 1.686,5 punturekin Maialen Lujanbio bigarren izan da eta 1.164 punturekin hirugarren Igor Elortza.

Hona hemen BECen jokatu den finalako puntuazioak:

Amets Arzallus: 1737,5 puntu.

Maialen Lujanbio: 1686,5 puntu.

Igor Elortza: 1164 puntu.

Aitor Mendiluze: 1155 puntu.

Aitor Sarriegi: 1106 puntu.

Unai Iturriaga: 1099 puntu.

Beñat Gaztelumendi: 1099 puntu.

Sustrai Colina: 1082,5 puntu.

 

Game of language blogetik Amets zoriondu nahi dugu. ZORIONAK TXAPELDUN!

120.000 bisitari Durangoko Azokan

No Comments

Pasa den larunbatean abenduro ospatzen den Durangoko Azokak duela urte batzuk zuen bisitarien marka hautsi zuen. 120.000 pertsona baino gehiagok igaro dira azokari hasiera eman zenetik Landako Gunetik.

Durangoko Azoka supera su récord de 120.000 visitantes

Musika eta argitaratzaileen sektoreko ordezkariek “oso positiboki” baloratu dute Durangoko Azokako 48. edizio hau. Kontuan hartu behar da krisia dela eta aurten bisitari kopurua murriztea espero zela. Hala ere, azokako egun desberdinetarako ekintza desberdinak (hala nola kontzertuak; diska, liburu eta bestelakoen sinadurak..) antolatu izana prezioen jaitsierarekin batera marka berri hau posible egin dutela esan behar da.

Euskarazko antzerkigintzaren aldeko aldarria, Nafarroan

No Comments

Euskal antzerkigintza nahiko baztertua dagoela esan daiteke Araban, Bizkaian eta Gipuzkoan. Baina Nafarroan are okerragoa dela dio Josu Camara Ehazeko lehendakariak. Hala ere, honi aurre egiteko ospatuko da Antzerkizale Egunak-ren laugarren ekitaldia.

2010ean Bizkaiko Mungia herrian hasi zen ekitaldi honen edizio berria Nafarroan ospatuko da, Berriozarren, Abenduaren 13an eta 14an.

Ekitaldia abenduaren 13an, 17:30ean, Berriozarko kulturgunean egingo den mahai inguruarekin hasiko da.Programatzaileak eta aktoreak, profesional nahiz amateur, bilduko dira elkarrizketarako. 14an izango da, ordea, egitasmoaren mamia jasango duen eguna; hala nola, hainbat testuren irakurketa dramatizatuak, Txikiren bakarrizketak, Izaskun Mujikaren ipuin kontaketa haurrentzat…

Euskarazko lehen filmaren kopia bat aurkitu dute

No Comments

Euskarazko lehen filmaren kopia aurkitu du Jose Martinezek, EHUko ikerlaria, bere tesia egiten ari zela. Parisko etxe batean zegoen orain arte ilunpean zegoen film hau. Soinurik izan ez arren, baieztatua izan da bere garaian ikusi zutenengandik euskarazkoa zela.

Gure Sor Lekua, filmaren izenburua, Andre Madre jeneralak sortua da. 1956koa izanik, lehen euskal pelikulatzat hartzen da, Gotzon Elortzak 1959tik 1962ra bitartean filmatu zituen lau dokumentalen ondoren.

Ordu eta erdiko iraupena dauka. Bere helburua diasporan (beraien lurraldea uztera behartuak dauden taldea) zabaltzea zen, hauen herrimina arintzeko asmoarekin. Gaur egun, ikerketa daraman taldeak soinuaren kopia bat aurkitzeko itxaropena daukate.

Zinegim euskarazko zinemaren jaialdian pelikula honen bertsio labur bat argitara ematea espero da. Jaialdia Hazparnen egingo da, abenduaren 20an.

Filma ikusteko esteka: http://berria.info/berriatb/1966/

D eredua Nafarroan

No Comments

 

 Nafarroako D ereduko ikastetxe publikoen aurkako kanpainak, ordea, beste bide batetik eraman ditu irakasleen eta gurasoen arteko solasaldiak, azken egunotan. Izan ere, joan den astean D ereduko 28 eskola ikertu, eta 1.652 irakasle zelatatu zituen Guardia Zibilak; ondorioztatu zuten lau irakasletik bat “etazalea” zela. Ikerketa horren harira, Nafarroako Parlamentuak berak adierazpen instituzionala onartu du aste honetan, euskaraz aritzen diren irakasleen jarduna babesteko. Bilduk, Aralar-NaBaik, Geroa Baik, Ezkerrak eta PSNk adierazpen horren alde bozkatu dute. UPNk eta PPNk, berriz, kontra.

Haien seme-alabek D ereduan  jasotzen duten arretarekin eta heziketarekin pozik daude gurasoak. Horixe nabarmendu dute denek, eta mezu hori zabaldu nahi izan dute, azken erasoen aurrean.

“Familia handi baten gisakoa da ikastetxe hau; hori da hemen dugun giroa”, esan du Marta Moralesek, Amaiur ikastetxeko ikasle baten gurasoa. Bat egin du Elena Sanchezek Moralesekin. Eta gehiago erran du: “Mojen ikastetxe batean ikasi nuen nik, eta han bai, han saiatzen ziren ideiak inposatzen; itunpeko ikastetxe erlijiosoen lana, ordea, inork ez du zalantzan jartzen; zergatik?”, galdetu du. “Ematen du euskararen kontra egiteko edozerk balio duela”, erantzun dio Perezek.

 

Nafarroako Gobernutik euro bakar bat ez dutela jaso salatu dute IKAk eta AEK-k

No Comments

IKA eta AEK-ko ordezkariek Nafarroako Gobernuak euskaltegiekiko eta hauek irakasten duten euskararekiko duten jarrera salatu dute gaur ospatu den biltzar batean.  2013. urteko aurrekontuetako 245.000 euro bi erakundei dagezkien arren, 2012ko urritik ez dutela euro bakar ere jaso salatu du AEK-ko bozeramaile den Helios de Santok.

UPNren ez ordaitzea  eta Nafarroako AEK eta IKA itotzearen saikera gorabehera, herritarrak euskalduntzen jarraitzeko intentzio tinkoa dutela adierazi du de Santok. Nafarroako Gobernuak inposatu duen “Hizkuntza politika negargarri eta suntsitzaileari aurre egiteko” abenduaren 11rako protesta  bat antolatu dute Nafarroako Gobernuaren egoitzaren aurrean.

“Informerrak” EHUra heldu dira

No Comments

“Zure unibertsitateko, enpresako edo hiriko norbaiti zeozer esan nahi al diozu? Orain Informerraren bitartez egin dezakezu” Honela dio duela ia urte bat Universitat Autònoma de Barcelonan sortu zen Informer fenomenoaren leloak.

Bartzelonako Unibertsitate Autonomoan bakarrik Facebook web orrialdean 12.000 jarraitzaile baino gehiago dituen mugimendu honek duela 8 hilabete (gutxi gorabehera) Euskal Herriko Unibertsitatera heldu zen arren, orain hasi da indarra hartzen Leioako kanpuseko ikasle batzuek sortu duten Twitterreko perfilari esker.

Egunero freskatu egiten den perfil honetan, zure zaletasun berak dituen pertsonari, autobusean ikusi duzun neska xarmangarriari edo klasean topatzen duzun eta oraindik ezer esatera ausartzen ez zaren mutil perfektuari mezuak bidali ahal dizkiezu era pribatu batean.

Arabako kanpuseko ikasleok gara fenomeno hau Euskal Herrian jarraitzen ez dugun bakarrak; izan ere, Bilboko Ingeniaritza Goi Eskola Teknikoak, Sarrikok, Leioako kanpusak, Donostiako kanpusak eta baita Deustuk ere badute informer bat.

 

Hona hemen Euskal Herriko informerrak dituzten Twitter kontuak:

https://twitter.com/InformerEHU

https://twitter.com/InformerDeusto

https://twitter.com/InformerETSIB

https://twitter.com/informersarriko

https://twitter.com/InformerDonost1

 

Euskarazko hitzak azeleratuz

No Comments

Bost urte betetzen ditu gaur Maite Goñi Mondragon Unibertsitateko eta Ordiziako Jakintza ikastolako irakasleak sortutako Gaurko Hitza blogak. Egunero euskarazko hitz bat aukeratzen du Goñik bere blogean ezartzeko  eta dagoeneko 1.825 hitz inguru jarri ditu bost urte hauetan.

Gaurko Hitza blogaren bosgarren urteurrena ospatzeko, gorputzeko edozein ataletan hitz bat idatzi eta Twitter bidez partekatzea proposatu du  Goñik. Irakurle askok bat egin dute proposamenarekin, eta ehun hitzetik gora jaso ditu gorputzean idatziak. Oso argazki originalak jaso ditu, gainera.

Goñik berak aukeratutako edo jendeak proposatutako hitz baten azalpenak eta erabilerak ematen ditu egunero. Horrez gain, hitz hori beste hizkuntzetan nola esaten den eta hitzaren sinonimoak ere ematen ditu, irudiekin lagunduta. «Duela hilabete batzuk, audioa ere sartzen hasi nintzen», azaldu du Goñik.

Asteburuetan gauza bereziak egiten ditu blogean. Hainbat larunbatetan euskal abestietatik ateratako hitzak jarri ditu blogean. Abestia bera ere jartzen zuen hainbat hutsunerekin, jolas moduan hutsune horiek betetzeko.

Blogaren bidez, euskarazko hitzak sare sozialetan mugitzea lortzen du. Goñiren esanetan, komunitate bat sortzen da, eta hitzaren inguruan elkarrizketa bat izaten da. Zenbait jarraitzailek egunero zabaltzen dituzte hitzak leku batean eta bestean, eta pixkanaka hitz hori sare sozialetan zabalduz joaten da.

Older Entries

Tresna-barrara saltatu